صناعة

تجارة

إظهار إعلانات

نستقبل طلبات العروض الجادة!!

نشر منذ 11 سنين بواسطة ALRROIAH

السلام عليكم ورحمة الله وبركاته
اخواني نشتري الحديد بأي كمية بإذن الله القريد ون ولكن بأسعار السوق المعقولة وليست بالأسعار الخيالية!!!!!
شرطنا المعاينة قبل كل شي قبل حتى توقيع اي عقد او احضار اي التزام وياريت الاخوان اللي يبون شيك مصدق ولاخطاب مصدق من الغرفة التجارية!!! يوفرون حديدهم لأنفسهم ويرقدون عنده!!!!!
والله ياجماعة الخير ملينا من الكذب والنصب يعني ابغى أعرف رجال طول وعرض يكذب!!! سبحان الله هذا مايستحي على شواربه...حسبي الله ونعم الوكيل في هالعالم المتخلفة!!!!


والله ياخواني اقول هالكلام من قهر وحرة فيني يعني نسافر ونطلع نشوف الحديد وفي الأخير يا الوسيط مايرد او الحديد غير موجود من الأساس...يعني كلنا سعاة في الارض نترزق الله والمشكلة يجيك وسيط لاهوب صاحب الحديد ولا حتى له كلمة في الحديد ويتشرط..(طرار ويتشرط)..يقولك ايش جيب خطاب مقدرة ولا التزام بالشراء؟؟!طيب بعضهم يقول ايش عشان البايع يضمن حقه؟! طيب ياجماعة الخير المشتري بيشتري غصب؟ اذا عجبه الحمدلله نوقع ونجيب حتى الغرفة التجارية عندك...اذا ماعجبه ياخي كل واحد وحقه عنده الحديد وعند راعيه والمشتري في حاله؟؟! ياخي ابي اعرف كيف اجيب التزام بشراء شي ماشفته بعيني؟؟؟!!!...يعني والله لو هو ذهب ومخبينه ولا شوفو بعض النكت اللي ظهرت يقولك تعال عاين الحديد في شريط فيديو؟؟!!!فلم كرتون هو؟؟!!


يعني البايع والله العظيم لو بغى يبيع مايبي حتى اسمك!!؟؟...طيب ليش كل هالتعقيد واللف والدوران؟؟
هذي سالفة صارت لي هنا مع احد(النساء) اقول انه من النساء لانه فعلا ماهوب رجال!!
يااخوان جاني واحد يقول عنده كمية 800الف طن طبعا الكمية خيالية ويقول انه وكيل وكيل صاحب السمو؟؟!!
قال جيب خطاب والتزام ومن الحكي اللي لايودي ولايجيب!!


والله يااخوان جهزنا اوراقنا وجبنا المشتري في ليالي رمضان الكريمة خليناه يجي من المدينة لجدة وكنت مواعده على اساس نشوف الحديد من العصر!!؟؟ لكن والله قليل الذمة مايتقي ربه اتصل عليه واتصل من صبح ربي....والمشتري يقولي هاه وين راعي الحديد؟؟!!المشتري جلس ينتظر من العصر ليييييييييييييييييييييييييين الساعة 12ليلا؟؟!!!
لين جينا وقت التراويح والله وجهي راح صفر على صفر قدام المشتري...وآخرتها اتصلت على الرجال النصاب في اليوم الثاني يقولي نايم؟؟؟؟!!!!!!!!!!!! بالله في احد ينام عن سعي قيمته 40مليون؟؟!!!!طيب لو فرضنا انك نايم يابن الحلال ليش توعد ناس وفي الأخير تخلف بوعدك؟؟...يعني في احد ينام من الساعة 10صباحا لين اليوم الثاني بعد العصر يعني سحور وفطور راحت في النوم؟معقووول؟؟!!!! هل يقبل هالكلام؟؟؟!!!!!


والله كان نفسي افضح الرجال وهو لازال هنا في المنتدىمع الأسف ولامسجل بأكثر من اسم بعد؟...لكن قلت دام الله ستر عليه عشان يعتبر...لكن الظاهر مافيه خير..الرجال نصب على شخص ثاني وكلمني وقالي نفس الكمية اللي جابها النصاب لي!!!..تخيلو مااكتفى من شخص واحد وراح ينصب على المسلمين...لكن اقولك يا(...........) ان الله يمهل ولايهمل ياريت تعتبر من ستر الله عليك وتتقيه في نفسك والمسلمين.


اتمنى من الاخوان الجادين انهم يعاينون الحديد نفسه وبعدين يعرضونه مو بس كلام جر كلام؟!!!..يعني بالله في مشتري بيجي عشان كلام بدون اي اثبات؟؟ يعني احنا السعاة اللي نجري ونروح ونعاين مو المشترين؟؟!!يعني بالله ابغى افهم لو شافها الوسيط قبل كل شي وبعدين يعلم عمه فيها شي؟؟!!!
اختم كلامي بدعوة بإذن الله ربي يتقبلها ويقبلها من كل من يقراها(اللهم من اراد الاحتيال على عبادك بأي شكل من أشكال الاحتيال..اللهم فأخرس لسانه وشل أركانه..!!)
هذا رقمي لاستقبال العروض الجادة: 0503048372 -ابونايف


قم بتسجيل الدخول لكي تتمكن من إضافة تعليق